თურქეთის პრეზიდენტი რეჯეფ თაიფ ერდოღანი მიწისძვრის შედეგად დაზიანებულ ზონაში იმყოფება და დაზარალებულ მოსახლეობას ხვდება. როგორც თურქეთის პრეზიდენტი აცხადებს, რეაგირება სწრაფი არ იყო.
„მიუხედავად იმისა, რომ ჩვენ შევძელით ალბათ უმსხვილესი სამძებრო-სამაშველო რაზმის მობილიზება, რომლის შემადგენლობაში 141 000-ზე მეტი წევრია, სამწუხაროდ, ფაქტია, რომ ჩვენ ვერ შევძელით ისე სწრაფად რეაგირება, როგორც ვიმედოვნებდით“, – აღნიშნა თურქეთის პრეზიდენტმა დაზარალებულებთან.
ერდოღანის განცხადებით, სახელმწიფო უსახლკაროდ დარჩენილებს ერთი წლის განმავლობაში საცხოვრებლის ქირას გადაუხდის. ასევე, პრეზიდენტის გადაწყვეტილებით, მათ ერთ წელში ახალ სახლებს აუშენებენ და ასევე, ფულადი თანხითაც დაეხმარებიან.